Carcereiro condenado a mais de 25 anos por violación e agresións sexuais as presas do CP Soto del Real

Recollemos esta noticia de Esculca que recolle a información de Europa Press, polo que, non se facilita a identidade completa do energúmeno, senón só o seu nome de pilla Miguel Ángel e as iniciais dos apelidos P.H. (observese a diferencia de trato destas axencias mesmo para con persoas presas pendentes de xuízo, onde o habitual é dar os dados completos agás nos casos de membros dos corpos de "inseguirdade"):

A Audiencia Provincial de Madrid condenou a penas que suman 25 anos e medio de cárcere o carcereiro(*) que abusou sexualmente de varias presas no centro penal de Soto del Real (Madrid). O acusado foi sentenciado por un delito de violación, dous delitos de agresión sexual, un delito de abuso sexual e un delito continuado de abuso no exercicio da súa función.

Polo delito continuado de abuso no exercicio da súa función é condenado a catro anos de prisión e a inhabilitación absoluta por dez anos, mentres que polo delito de violación é condenado a doce anos de prisión coa accesoria de inhabilitación especial para emprego ou cargo público, mesmo de natureza electiva, relacionado coa garda ou custodia de persoas. Por cada un dos dous delitos de agresión sexual é condenado a catro anos de prisión mentres que polo delito de abuso sexual é condenado a un ano seis meses e un día. De todos os xeitos, a Audiencia fixou o máximo de cumprimento da pena de prisión en vinte anos. Vese que para os amigos non hai doctrina Parot e sin redución de pena antes de comezar a cumprila (*)

Ademais, impúxoselle a prohibición de aproximarse a menos de 500 metros das prexudicadas, ao seu domicilio, lugar de traballo ou outro lugar que frecuenten, así como comunicar con elas por calquera medio, fixándose a duración en trece anos respecto de F. V.; cinco anos para D. M. V. e Tina S., e dous anos para M. J. A..

Ademais, Miguel Anxo P.H., coa responsabilidade civil subsidiaria da Dirección Xeral de Institucións Penais, indemnizará con 4.000, 6.000, 1.000, 12.000 euros respectivamente as afectadas.

No escrito de acusación, o fiscal relata que o procesado exerceu un acoso de carácter sexual polo menos durante 2007 e 2009 respecto de varias internas. O fiscal recolle varios episodios de acoso no que o acusado se aproveitara da sua condición de funcionario para dirixirse a algunhas presas, que ocupaban cargos de confianza e retribuidos, "para facelas obxecto de peticións de natureza sexual e de actos atentatorios de igual carácter, e elo en aras a lograr a satisfacción dos seus desexos libidinosos", explica a sentencia, para elo non duvidaba en amenazalas.

Como din no blogue do grupo antimilitarista Tortuga: Agora, a ver canto tarda o indulto!!

(*) Opinions de eDu, quen colou este texto