A notícia é de aupa, pois no caso de conseguir cola-la, a pessoa que porte a "estreleira" pode receber umha multa mesmo superior aos tres mil euros. A razom esgrimida pola polícia (o clube desentende-se da polémica) seica é que "a estreleira nom é oficial, tem umha estrela e incita á violência".
Mas nom é isso a origem da minha teima, nom. Tem-me igual o que aconteza num partido de élite desportiva (tanto tem se é futebol ou baloncesto ou outro qualquer negócio capitalista baseado no espectáculo). O que me chamou ardentemente a atençom foi a resposta "contundente" da equipa municipal do BNG: "Os membros do grupo municipal do BNG deixarám de ir ao palco do Multiusos Fontes do Sar entanto nom se soluçone a situaçom derivada da retirada de bandeiras galegas com estrela para apoiar o Obradoiro"
Vam deixar de ir ao Palco de Autoridades como medida de pressom!!!
É dizer, os concelheiros e concelheiras do BNG, suposta alternativa do povo, estám a ir DEBALDE aos partidos espectáculo e sentam como AUTORIDADES no Palco que os separa do povo, nessa zona com umha especial ubicaçom e melhor vissom do que acontece na cancha, e delimitada do público em geral, que recebe o nome de PALCO de HONOR, e que vem a ser umha rémora mais do franquismo (se bem os paises chamados comunistas som e forom também grandes ostentores dessas parafernálias).
E nom só isso, numha crónica de El Correo em 29.05.2011 , falam de que o Ruben Cela estava no Palco de Autoridades quando só era candidato do BNG à alcaldia.
Estas som as alternativas políticas que nos achacam às anarquistas aquelas pessoas que seguem pensando que votar ao BNG ou AGE é umha alternativa diferente de PP e PSOE.
Só resta-me agradecer-lhe ao BNG a sua sinceridade, que me transmite que nom estou errado quando berro PP, PSOE, BNG A MESMA MERDA É !!!
Edu
E a quen carallo lle importa a bandeira de Cristo bendito??????????
ResponderEliminar