Indulto para un dos máis altos directivos do Banco Santander

Unha vez máis a "xustiza" deixa de manifesto o que moitos xa sabemos: que o "peso da lei" recae únicamente nos de abaixo mentres que os de arriba gozan da máis absoluta impunidade.
Nesta ocasión o beneficiado de que o "estado de dereito" se pase a súas leis polo forro da democracia é Alfredo Sáenz, o conselleiro delegado do Banco Santander. Pese a que a sentencia só era de inhabilitación por uns exiguos tres meses e apenas suporía un ridículo percance para o sancionado, este sistema democrático non puido conterse de amosar unha vez máis que aquí quenes gobernan son os banqueiros, e que a quen goberna non se lle aplican as mesmas normas que ós gobernados. Así que deixou sen efecto a sentencia ratificada polo tribunal supremo que condeaba a tan excelso personaxe por un delito de acusación e denuncia falsa.
Ancha é castela e ó Cesar o que é do Cesar, e a quen non lle guste... pois xa sabe o que ten que facer.
Pero bueno, o caso non é tan sorprendente, ¿ou acaso non lembramos o indulto de José Barrionuevo polo caso GAL? naquela ocasión foi Jose Maria Aznar o que indultou ó ex-ministro socialista inculpado por terrorismo (porque hai terrorismos e terrorismos, por uns pasaste toda a vida na cadea e polos outros apenas botas tres meses). Así que é o mesmo que sexas dun partido que doutro, un policía, un xuíz o un banqueiro, a "xustiza" é para os pobres, que os que mandan non queren competencia.
Pois iso, que o que pense que "a xustiza é igual para todos" máis lle vale crer no conto dos tres porquiños ou no Ratoncito Perez, que teñen moitos máis visos de realidade.

C.R.